Janta ke maal ka kamaal

Headline 16.09.08
Janta ke maal se DDA malamaal.
Postmortem :
Janta ke maal se hi yeh malamaal
hote, kya DDA kya yeh neta,
magar afsos janta ki sudh
phir bhi koi nahi leta.

Bhool ka ehsas

Headline 16.09.08
Patni ko nehar me phenk
pahuncha tihar.
Postmortem :
Lagta hai phenne ke baad
dhyan aya hoga ki ghar ki
chabi to uske paas thi......

Badey dil ki baatey

Headline 16.09.08
Do din nahi ayega pani.
Postmortem :
Koi baat nahi hamara dil bhi
bahut bada hai hame aps koi
gila nahi hoga, hum coke ya
soda se hi kaam chala lenge.

Logo ka hindi prem

Headline 16.09.08
Hindi maah ka ayojan.
Postmortem :
Acha laga yeh padh ke aur vaise bhi
logo ko hindi se is kadar lagaav hai ki
vo eng. hons. bhi hindi medium me
katey hai.

Arey sabar karo bhai

Headline 16.09.08
Din beetey 2 lekin fir bhi
scetch tak jari nahi.
Postmortem :
Arey sabar karo bhai,
itni bhi jaldi kya hai abhi
2 din hi to hue hai, kaun sa
2 saal ho gaye ?

CCTV ka kamaal

Headline 15.09.08
CCTV se milenge aham surag.
Postmortem :
CTV me to inhe romance kartey hue
jode nazar aa jatey hai, lekin atankwadi
nahi nazar atey, pata nahi kyun ?

Mahino ki mehnat

Headline 15.09.08
Mahino se rach rahe they sazish.
Postmortem :
Mahino se rach rahe they sazish aur
ek din me anjaam de gaye, aur hamari
yeh honhaar police mahino jaanch karte
hai aur natija than than gopal.

Janta ki umeed

Headline 15.09.08
Delhi blast : soojh nahi raha sira.
Postmortem :
Arushi murder case ke surag to
2 mahino me bhi nahi mile aur
blast ke surago ki umeed aap
2 dino me kar rahe hai.

Bangladesh ki bhent

Headline 15.09.08
Bangladesh ne Bharat
ko saumpe 18 ugarwadi.
Postmortem :
Yeh bhent swaroop diye
hai ya mol bhav kar ke.

Rajnitik naishana

Headline 15.09.08
Atank banega chunavi astar.
Postmortem :
Pehle ram mandir, fir mehngai
aur ab atank, badia hai lagey raho
kabhi to nishana sahi lagega.

Hindi ka mahatav

Headline 15.09.08
Hindi ka mahatav samjha
bahurashtriye companio ne.
Posmorterm :
Unho ne to samjha....
kash hum bhi samajh jate......

Police walo ki vyatha

Headline 14.09.08
Police wale hai kam, kaise hi suraksha.
Postmortem :
Aur jo hai vo bhi apna kaam agar sahi
dhang se kar de to bhi ganimat hai.

Agla nishana kaun ?

Headline 14.09.08
Agla nishana varanasi, indore ya ujjain ?
Postmortem :
Aap yahin bethe unke jawab ka intzaar kare,
vo kuch bhi karne se pehle apse puchne ayenge,
ki kya ab hum yahan nishana bana le ?

Sharam ani chahiye

Headline 14.09.08
Visfot se 10 minute pehle pahunche atanki.
Postmortem :
Vo visfot se 10 minute pehle ate hai, apna
kaam kar ke chalte bante hai, aur hum unka
10 mahino baad bhi kuch nahi bigaar pate hai.
Sharam ani chahiye.

TV par saas bahu

Headline 14.09.08
Theek nahi TV par khoon dikhana.
Postmortem :
TV par to saas bahu ke jhagre aur
ek dusre ke khilaf sazish hi achi lagt hai.

Shehar me dehshat

Headline 14.09.08
Shehar me raha dehshat ka mahol.
Postmortem :
Ab sarkar ko chahiye apne ankh
aur kaan de khol,
ya fir janta de hala bol.

Dacoity ka avkash

Headline 13.09.08
Noida me lagataar dusre din bank dacoity.
Postmortem :
Har roz hi dacoity maar dete hai,
inka koi saptahik avkash nahi hota kya ?

Hath dhulai ki rasam

Headline 13.09.08
Safai ki baat : 15 Oct. ko dhulenge hath.
Postmortem :
Hath dhulai ki rasam to 15 ko kar loge,
lage hatho nahane ki tarikh bhi pakki kr lete.

Cherity begins at home

Headline 13.09.08
Kanoon vibhag me toota kanoon.
Postmortem :
Theek hi to hai, neki wale kaam to
ghar se hi shuru ho to acha hai.

Geeta ka gyan

Headline 13.09.08
Atank v america ke beach pakistan.
Postmortem :
Jaisa karam karega vaisa fal dega
bhagwan, yeh hai Geeta ka gyan.

AIIMS ki domuhi niti

Headline 12.09.08
Africa me marizo ka ilaj karega AIIMS.
Postmortem :
Ghar me nahi hai daane, amma chali
bhunane, yahan to mariz bechare
bina ilaj ke hi mar rahe hai, yahan to
ilaj ho nahi pa raha aur yeh vahan ja kar
ilaj karn ki baat karte hai.

Har shakh par ulloo...

Headline 12.09.08
Nyayepalika me bhrashtachar
se Balakrishan dukhi.
Postmortem :
Abhi to apne ek hi vibhag dekha
hai sar, yahan to ' har shakh par ulloo
betha hai anjame gulistan kya hoga ?'

Trafic police ke kanoon.

Headline 12.09.08
Auto ka permit radd karegi trafic police.
Postmortem :
Aur sewa shulk dene walo ko khas
riyatein degi trafic police.

Sarkar ki chunotian

Headline 12.09.08
Badengi sarkar ki chunotian
aur vipaksh ke war.
Postmortem :
Har waqt ladne ko rehte ho taiyar
kuch janta ki bhi soch lo yaar.

Apradh karo, bhoj do

Headline 12.09.08
Apradh karne par dena padta hai bhoj.
Postmortem :
Lekin yahan to apradh karo ya na karo
hamare police wale bhoj ke liye to har
waqt taiyar rehte hai.

Zardar ka tala

Headline 12.09.08
Zardari ko nahi milegi chabi.
Postmortem :
Aur agar usne tala hi badal iya to ?

Byaj mukt reind

Headline 11.09.08
Byaj mukt hoga shiksha ka reind.
Postmortem :
Ar agar vasooli bhi 'gunda'
mukt ho jaye to janta kio
kitni rahat mley.

MCD ka khauf

Headline 11.09.08
MCD ke sar se hat gaya pehra.
Postmortem :
Khabar pad kar to aisa laga jaisa kisi
adamkhor sher ko khula chod diya ho.

Chinta ka vishey

Headline 11.09.08
Voter card ko lekar sabhi chintit.
Postmortem :
Sach pucho to chinta card ko
lekar nahi hai, chinta to sex
aur umar ko lekar hai, pata
nahi yeh kise aur kya bana de.

TRP ke hathkandey

Headline 11.9.08
Akhir nhi aai chenalia praley.
Postmortem :
Praley to kya hi aani thi, lekin
in dino jo inki TRP badhi hai
vo kabile tarif hai

Ache logo ki nishani

Headline 11.09.08
Geneva me sab shant, Bharat me bechaini.
Postmortem :
Ache logo ki yahi nishani hoti hai, 10 ghar
cho kar bhi kuch hota hai to yeh bechain
ho jate hai.

Buso ki badmashi

Headline 10.09.08
Chartered bus ne 4 behno ki jaan li.
Postmortem :
Pehle blueline, fir DTC, fir School bus
aur ab chartered bus, apko nahi lagta
in buso ki badmashi kuch zyada hi
badti ja rahi hai.

CBI se umeed

Headline 10.09.08
CBI ne bhi khade kiye hath.
Postmortem :
Police ka to nikamapan dikha hi tha
magar apse aisi umeed na thi sir.

Khwab hi khwab

Headline 10.09.8
Khwab dikha kar croro
dakarne wala giraftar.
Postmortem :
Aur giraftar hote hi iske khwab
bhi to miti me mil gaye honge.

BRT- Dva ya marz

Headline 10.09.08
Dva nahi marz bna BRT
Postmortem :
Janta ke liye ah marz ho sakta hai
lekin isey banane walo ke liye yah
dva bhi nahi, kisi tonic se kam nahi tha.

Delhi ka bajat

Headline 10.09.08
Delhi par kharch honge 4000 crore.
Postmortem :
Kharche ki rakam to bilkul sahi batai
inho ne lekin mool prashan to yeh hai
ki isme se Delhi ke hisse kitne ayenge.

Prashano ki rate list

Headline 09.09.08
Monsoon satar : Sadan me pesh
honge 170 prashan.
Postmortem :
Lage haho in prashano ki rate list,
inka M.R.P. aur in par kitna discount
offer hua hai yeh bhi bta dete.

Bus ke badle car

Headline 09.09.08
Bus kharid ko mantri mandal
ki hari jhandi.
Postmortem :
Janta ko to buse jab milengi tab
milengi, lekin hari jhandi dene wale
ko to car mil hi chuki hogi.

LG ke uch vichar

Headline 09.09.08
LG ne diye tyoharo par
bijli pani ke nirdesh.
Postmortem :
Wah LG saheb, apke vichar
kine uch hai beshak tyoharo
par hi sahi, apne janta ko bijli
pani dene ki sochi to sahi.

Credit ke naam par

Headline 09.09.08
Credit ke naam par loot nahi.
Postmortem :
Lootne ke to aur bhi tarikey
bahut hai janab.

Doctoro ki laparwahi

Headline 09.09.08
Ab to aspatal se bhi darte hai log.
Postmortem :
Kyun ki vahan laj to hota nahi
inki laparwahi se mar jate hai log

Aj ka samaj

Headline 08.09.08
Delhi me bikne wali 25 % davaian nakli.
Postmortem :
Nakli davaian, nakli note,
banawati rishtey, dikhawati log,
yeh tasveer hai aj ke samaj ki.

Har din praley wala

Headline 08.09.08
Kya praley ka din hoga budhwar.
Postmortem :
Bachion se balatkaar,
bina rishwat ke kaam nahi,
mehngai ka bolbala,
aise me to hai har din praley wala.

Chatro ka vikas

Headline 07.09.08
Chatro me jiwan moolyeon
ka vikas zaruri : Khanna
Postmortem :
Na bijli na pani na sar par chat
aise me vikas ki baat karte ho.

Bank loan zindabaad

Headline 08.09.08
Aamdani athani, kharcha rupaiya.
Postmortem :
Bank loan zindabaad,
ji bhar ke masti karo,
fir dekhenge uske baad.

Adhikarion ko fatkar.

Headline 07.09.08
Adhikarion ko fatkar.
Postmortem :
Inhe to fir bhi sharam
nahi ayegi sarkar,
aap kuch bhi kehte raho
ho jayega sab bekar.

do gaz zameen ke neechey

Headline 07.09.08
Budhdev zamin ke badle
me zamin dene par razi.
Postmortem :
Kyun ladte ho zameen ke peechey
waqt ane par mil hi jayegi,
do gaz zameen ke neechey.

Netao ki khubi

Headline 07.09.08
NSG ki manzuri par siyasat.
Postmortem :
Yahi to khubi hai hamare netao me
vishye ya mudda koi bhi ho yeh siyasat
karna khub jaante hai.

Congressi netao ka kad

Headline 07.09.08
Badh gaya congressi netao ka kad.
Postmortem :
Mehngai, bhrashtachar, ghotale
aur lootmaar tatha hamare adarniye
netao ko chod kar kisi aur ka kad bada
ho to batao.

Nakal ke liye akal

Headline 06.09.08
Pustak sath le jao aur pariksha do.
Postmortem :
Nakal ke liye bhi to akal chahiye,
vo kahan se ayegi sir.

Mithi jhiki

Headline 06.09.08
Pak rajnayak ko mithi jhiki.
Postmortem :
Sirf mithi jhidki se kya hoga, inko
chini ki chashni me duba bhi doge
to bhi inme mithas nahi ane wali.

Sashakt rashtra ki buniyaad

Headline 06.09.08
Shikshak sashakt rashtra ki buniyaad.
Postmortem :
Pehle page par fansi aur chouthey
page par sashakt buniyaad ki khabar,
wah kya taraki.

Hindustan ki pehal

Headline 06.09.08
Hindustan ki pehal par 50 log bachey.
Postmortem :
Yeh kaam to hamara Hindustan hi ka sakta
hai, Sare jahan se acha Hindustan hamara.

Connection aur supply

Headline 06.09.08
Har saal 1 lakh naye connections.
Postmortem :
Connections to bijli pani ke bhi milte
hai, lekin supply...........?

Shikshak divas

Headline 06.09.08
Shikshak divas par shikshak ko fansi.
Postmortem :
Apko nahi lagta ki hame saal me ek din
neta divas bhi manana chahiye.

Adiwasi ladkian

Headline 06.09.08
Adiwasi ladkian banegi airhostes
Postmortem :
Aur tarzan jahaz chalayenge kya ?

Achi shiksha unnat desh

Headline 05.09.08
Achi shiksha unnat desh.
Postmortem :
Lakho ki donation, College me rajniti
shikshak hadtal par, aise me achi
shiksha ki umeed.......?

ATM se bhugtan

Headline 05.09.08
ATM se kare bijli billo ka bhugtan.
Postmortem :
Billo ke bhugtan ka tarika to bta diya
kabhi bijli ki supply ka bhi soch liya karo.

Bijli ne kiya pareshan

Headline 05.09.08
Garmi ne kiya behal,
bijli ne kiya pareshan.
Postmortem :
Aur billo ne halat khasta kar di,
kisi kabil na choda sriman.

Musibat hi musibat

Headline 05.09.08
Musibat me hai automobile sector.
Postmortem :
Share bazar se lekar choti si kirane ki
dukan tak, sab ke sab musibat me hai, mazey
hai to sirf netao ke, aur vo kaise hai ?
Yeh bhi batana padega kya ?

Naye vetan purani adat

Headline 05.09.08
Babuon ke naye vetan ka kaam ruka.
Postmortem :
Vetan inhe beshak naye dedo
inki adatey to vahi purani hi rahengi.

Hisab barabar

Headline 05.09.08
Sipahi ki revolver cheen badmash farar.
Postmortem :
Lagta hai sipahi ne ugahi me kabhi
rakam zyada vasool li hogi, badmash
ne aj hisab barabar kar diya.

Sandh ke bum

Headline 04.9.08
Bum foda to sandhi tod denge.
Postmortem :
Is sandhi ki vajah se to pehle hi
itne bum foot chuke hai, ab bhi
koi kasar baaki hai kya ?

Mamta ki mamta

Headline 04.09.08
Mamta padi naram,
samadhaan ke sanket.
Postmortem :
Aurat chahe kitni bhi sakht ho
kabhi na kabhi uski mamta umad
hi padti hai.

Kishto me katega tax

Headline 04.09.08
2 Kishto me katega tax.
Postmortem :
Tax to mana ki 2 kishti me leloge,
parantu sewa shulk ka bhi tey kar dete
ki vo kitni kishto me loge ?

Meri Delhi meri shaan

Headline 04.09.08
Hadso se halkan hui Delhi.
Postmortem :
Meri Delhi meri shaan, kya yahi
hai mera Bharat mahan.

Udarta se daan

Headline 04.09.08
Udarta se daan de deshwasi : PM
Postmortem :
Desh ki janta ka dil to bahut bada hai,
daan to vo puri udarta se de denge, lekin
samasya to us daan ko sahi jagah aur sahi
hatho me pahunchane ki hai sir !

Exit pole

Headline 04.09.08
Exit pole ko bnd karegi sarkar.
Postmortem :
Karna hi padega janab varna inka
band bajega.

Sharifo ki sharafat.

Headline 03.09.08
Sharif bandhuon ke
bhrashtachar ke mamle khule.
Postmortem :
Arey yu kahiye janab ki dheerey
dheerey sharif bandhuon ki sharafat
ab saamne ane lagi.

Buso ka compitition

Headline 03.09.08
DPS ki bus ne chatra ki kchla.
Postmortem :
Pehle blueline, fir DTC aur DPS ki
school bus, lagta hai inka apas me
koi compitition ho raha hai.

Paise ka sadupyog

Headline 03.09.08
Jeevan ka mantra-Paise ka sadupyog.
Postmortem :
Pehle paisa kamaane ka mantra
to bataiye, fi sadupyog ka bhi bta dena.

Apne bache par hath

Headline 03.09.08
Jwahiri ko pakadne ka mauka
chook gaya pak.
Postmortem :
Sahi kaha apne, aur vaise bhi apne
bache par hath dalna zara mushkil ho jata hai.

Bottle ka pani.

Headline 03.09.08
Jeevan ke liye zehar na ban
jaye bottle ka pani.
Postmortem :
Bottle bisleri ki ho o koi baat nahi,
agar Royal Stag ya Blenders Pride
ki ho to chinta ka vishye hai.

Rajniti ki dukan

Headline 03.09.08
Tabahi ke baad kosi ab kis aur.
Postmortem :
Kosi ka to pata nahi lekin hamare
neta zarur kosi ki taraf bhag rahe hai,
apni rajniti ki dukan chalane

Yuvaon ki lachari

Headline 02.09.08
Isha ambani hai sabse yuva
arabpati utradhikari.
Postmortem :
Isi liye sab yuva khade soch rahe hai
shayad aa jaye unki baari.

Pehle jaise bhav

Headline 02.09.08
DUSU chunav prachar me
pehle jaisi raunak nahi.
Postmortem :
Pehle jaisa josh aur sewa
bhav bhi kahan hai aj ki rajniti me.

Jaari hai kosi ki tabahi

Headline 02.09.08
Jaari hai kosi ki tabahi.
Postmortem :
Bachav ke naam par loot machi hai
dekh ke bhi sarkar ankhe mundey khadi hai.

Havaon ke rukh

Headline 02.09.08
Delhi chunav me ab havaien karengi
roshni ka faisla.
Postmortem :
Aur yeh bhi jaan lijiye, ki havaon ke rukh
badalte der nahi lagti janab.

Chunavi vyapaar

Headline 02.09.08
Chatra sanghatano ne chunav
prachar me puri taakat jhonki.
Postmortem :
Kyun ki vo jaante hai ki ek baar
jeet gaye to sood samet nikal bhi lenge.

Ek maah ki kamai

Headline 02.09.08
Baadh pidion ko ek maah ki
kamai denge Delhi ke congressi.
Postmortem :
Kaun si kamai, asli haq halal
ki ya upar wali kamai ?

Pehle 0 baad me 100

Headline 01.09.08
Fiki rahi rajkunwaro ki
pehli sansadiye pari.
Postmortem :
Itihas gavah hai jo bhi pehle 0 par out hua,
baad me unho ne hi shatak lagaya.

Chunav se pehle aur baad

Headline 01.09.08
Chunav aya nai-nai yojnaye laya.
Postmortem :
Aur chunavo ke jate hi sabhi yojnao
ko nadarad paya.

Rajdhani ki shaan

Headline 01.09.08
Sabne kaha jeete to rajdhani
ko bna denge swarg.
Postmortem :
Aur kya rajdhani me rehne
walo ko swarg wasi.

Andha kanoon

Headline 01.09.08
Jail me hai to kya hua, chunav to ladenge hi.
Postmortem :
Sarkar ko to yeh kanoon hi bna dena chahiye
ki chunav vohi lad sakta hai jo jail gaya ho.

Piditon ka rahat kosh

Headline 01.09.08
BJP ka baadh piditon ke liye rahat kosh.
Postmortem :
Pehle baadh piditon ke liye kosh kholte hai
fir khud hi pidit ban sab samet lete hai.

Mele ki mahima

Headline 01.09.08
Pustak mele me chatra
chatraon ki vishesh ruchi.
Postmortem :
Kyun na ho sabse zyada ankh mattakka
inhi melo me hi to hota hai.

Sarkar ki tarif

Headline 31.08.08
Sarkar bani to barpega kehar atank ka.
Postmortem :
Ab itni tarif ki hai to lage hatho yeh bhi
bta dete ki kiski sakar ?

Bajrang dal ka atank

Headline 31.08.08
Bajrang dal ka atank hai orissa me.
Posmortem :
Aur Delhi, Gujrat, Ahmedabad ka
wali waris kaun hai yeh batayenge aap ?

7 Se 70 ka beda par

Headline 31.08.08
Lock up se 7 frar.
Postmortem :
Aur yeh 7 frar hone se pehle kam se kam
7o admion ko unki garibi rekha se zarur farar
karva gaye honge.

Seniors ki suraksha

Headline 31.08.08
Seniour citizens ki suraksha Ram bharosa.
Postmortem :
Citizen senior ho ya junior, dono ki hi surakhsha
upar wale ke hath me hai. Sab ek hi naav me swar hai.
dubte pata bhi nahi lagega.

Chapar phar ke

Headline 31.8.08
Kendriye karmion ko mila chapar phar ke.
Postmortem :
Inke chapar to roz hi fat te hai,
kabhi table ke upar se aur kabhi neeche se.

Andhe behro ki basti

Headline 30.08.08
Ek hi awaz, bacha lijiye janab
Postmortem :
Kis se kh rahe ho bhai,
yeh basti hai andhe behro ki,
yahan kaun sunega tumhari duhai.

Police ki training

Headline 30.08.08
Havaldar ke bete ne chalai goli.
Postmortem :
Training vo abhi le raha hai, imtihan
vo chaku ki nok par pas kar lega, bas
samajh lijiye police ki naukri paki.

Karz maafi ke adesh

Headline 30.08.08
Jammu me 3 se 50 hazar tak
ke karz ki maafi ke adesh.
Postmortem :
Aur kisi par 1 lakh ka karz ho to
kya use 2 dafa mafi mil sakti hai.

Sharabi sipahi

Headline 30.08.08
Dhut sipahi ko logo ne dhuna.
Postmortem :
Logo ne to apna gussa nikal liya,
hosh me ane ke baad agar sipahi
ne apni bhadas nikali to ?

Sankat mochan Hanuman

Headline 29.08.08
Shani ke kop se bachayenge Hanuman.
Postmortem :
Aur Hanuman ji ke kop se
bachne ke liye kiski sharan
me jana padenge sriman.

Rashtriya apda

Headline 29.08.08
Haa, yeh rashtriya apda hai : PM
Postmortem :
Shukra hai apne eh nahi kaha,
'isme bhi videshi taakto ka hath hai.'

100 mahilaon ki taakat

Headline 29.08.08
100 Takatwar mahilaon me mayawati bhi.
Postmortem :
Vaise is baat ko kuch yu bhi kaha
ja sakta hai ki 100 mahilaon ki taakat
akeli mayawati me.

Beecholon ki niyat

Headline 29.08.08
Pidito ke liye pradhan mantri
ne khola khazana.
Postmortem :
Khazana khola, vo to acha kiya
parantu beecholiyon ki niyat ko na pehchana.

Bifarti kosi, tadapta Bihar

Headline 29.08.08
Bifarti kosi, tadapta Bihar.
Postmortem :
Upar se mehngai ar atankwad ki maar
Bharat mata bhi roye zaar-zaar.

Boya pe babool ka...

Headline 29.08.08
Pakistan me police bus par atanki hamla.
Postmortem :
1 : Dekh liya saampo ko dudh pilane ka natija.
2 : Yeh kalyug ka hi kamaal hai, bhai bhai par
hamla kar raha hai.
3 : Jo boya hai vohi to katoge, atankwad bo ke
shanti to mil nahi sakti.

Ham do hamare do

Headline 28.08.08
Zaruri hone par hi jaye Delhi.
Postmortem :
Auro ka to pata nahi par
UP, BIHAR ka ek hi formula hai,
Ham do hamare do,
uske baad jitne ho
sabko Delhi bhej do.

Gau sadno ki chandi

Headline 28.08.08
Gau sadno ko mile 3 crore.
Postmortem :
3 crore do ya 30 crore,
milengi yeh phir bhi sadko par hi.

Team india ne racha itihas

Headline 28.08.08
Team india ne racha itihas.
Postmortem :
Ab bhi na rachte itihas to khud hi
itihas ban ke reh jate.

Court ke andar ya bahar

Headline 28.08.08
Court ke bahar diya byan bhi kafi.
Postmortem :
Court ke bahar di hui har cheez hi kafi
hoti hai, samasya to court ke andar ki hai.

Bijli chori me 2 ko jail

Headline 28.08.08
Bijli chori me 2 ko jail.
Postmortem :
Chori karne wale ko jail mile,
karane wale ko mile maal,
ajab teri leela ajab tera hall.

Rajniti ya Fashion shows

Headline 28.08.08
Adhyaksh pad par fir hogi glamour ki jung.
Postmortem :
Is glamour ki jung me, muddey kahin kho gaye.
rajniti to bachi nahi, fashion shows ho gaye.

Kanoon ki kachua chal

Headline 28.08.08
84 Ke dango me 4 ko umar qaid.
Postmortem :
84 Me dange aur 2008 me qaid, ik umar
laga di hazoor umar qaid sunane me.

Bhishan baadh aur intzaam

Headline 28.08.08
Bhishan baadh aur boney intzaam.
Postmortem :
Netao ko chahiye araam,
janta jaye bhaad me, janta ki taklifo se
inhe nahi koi kaam.

Chatro ka bhavishye

Headline 27.08.08
Chatro ko nahi khani hogi thokar.
Postmortem :
Kab, padai se pehle ya padai ke baad ?

Ghooskhoro ki gardan

Headline 27.08.08
Ghooskhoro ki gardan apke hath.
Postmrtem :
Unki gardan ka to pata nahi lekin
unke hath hamari jeb tak zarur hote hai.

Thana ya kotwali

Headline 27.08.08
4 Thano ko diya gaya kotwali ka darja.
Postmortem :
Yeh darja inke kaam ke balbute par
diya gaya ya inki upar ki 'kamai'
ko dekhte hue diya gaya.

Jaisa baap vaisa beta

Headline 27.08.08
Head constable ka beta nikla lutera.
Postmortem :
Aksar doctor ka beta doctor aur
vakil ka beta vakil hi bante dekha hai,
shayad isi liye..........

Anmol tohfa

Headline 27.08.08
Vijeyndra ko diya dosto ne beshkimti tohfa.
Postmortem :
Aur jo tohfa vijeyndra ne desh ko diya
uska bhi koi mol nahi janab.

2 Crore loot ki guthi

Headline 26.08.08
2 Crore loot ki guthi suljhi.
Postmortem :
Vardaat ki guthi suljhi ya kisko
kitna hissa mila, yeh guthi suljhi.

Dhamako ki jaanch

Headline 26.08.08
Kanpur dhamako ki jaanch ho.
Postmortem :
Kyun ji Amedabad aur Gujrat ke
dango ki jo jaanch ki thi us jaanch
me kaun se teer maar liye they apne.

MTNL ki vasooli

Headline 26.08.08
Sushil ko 11 lakh dega MTNL.
Postmortem :
Aur zyada bill bhej kar vasool bhi kar lega
zara khyal rakhna is baat ka.

Mangal aur dharti

Headline 26.08.08
Mangal nahi aa raha dharti ke nazdeek.
Postmortem :
Pehle khabar thi ki aa raha hai,
phir kaha ki nahi aa raha,
kyun bhai mangal ka mood badal gaya
ya usko yahan ke halaat pata lag gaye.

Rupaya 37 paisa ludka

Headline 26.08.08
Rupaya 37 paisa ludka.
Postmortem :
Arey bhai yeh aksar roz hi sunte hai
ki rupya ludakta hai, leki ludak ke jata
kidhar hai, ye baat aaj tak nahi samajh ai.

Netao ki loot.

Headline 25.08.08
Badmasho ne BSP neta ko
tamancha dikha ke loota.
Postmortem :
Kaun si bahaduri hai isme,
maza to tab tha ki bina tamancha
dikhaye hi loot ko anjam dete jaise
neta karte hai.

Neta ka vada

Headline 25.08.08
Oil retailer bole vada nibhaye sarkar.
Postmortem :
Neta vada nibhayega yeh umeed bekar hai
babool ke pedh se aam milega, kya apka
dil yeh maanne ko taiyar hai ?

Cartoono ka tohfa

Headline 25.08.08
PM ke liye 123 cartoono ka nayab tohfa.
Postmortem :
Aur us tohfe ke sath ek paheli bhi,
'kaun sa cartoon sabe zyada fit bethta hai ?

Karvahi par nazrana

Headline 25.08.08
Sharab pee kar vahan
chalane walo par karvahi.
Postmortem :
Karvahi ke antargat bottle me
bachi sharab nazrane ke taur par
dena anivarye.

Sasta roye baar-baar

Headline 25.08.08
Airlines ke saste offer se tauba.
Postmortem :
Kisi ne sach hi kaha hai,
sasta roye baar-baar,
mehnga roye ek baar.

Amarnath mudda

Headline 24.08.08
Amarnath mudda hal ke karib.
Postmortem :
Is muddey ke hal ho jane se kai
hamare neta berozgar ho jayenge,
kaion ki rajniti ki dukane band hongi.

kudrat ka kanoon

Headline 24.08.08
Ab koda bicha rahe hai
shibu ki raah me roda.
Postmortem :
Jo aaj diya hai vohi kal payega,
kudrat ke kanoon ke agye kahan
bhag ke jayega ?

Jali currency

Headline 24.08.08
Jali currency par khufia nazar.
Postmortem :
Jali currency par hi to yeh khufia nazar
rahkte hai, agar asli hoti to inki ankho me
vo bhi sare aamrakhte hai.

Neno se nein

Headline 24.08.08
Pant nagar pahunchegi Tata ki Neno.
Postmortem :
Neno se nein ladane ko har koi betab hai
kitno ke naseeb me hogi yah,
iska bhi koi hisab hai ?

Safedi ka chakar

Headline 23.08.08
DTC ne ek ki jaan li.
Postmortem :
Blueline ko dekhte hue DTC ki
manodasha : Bhala uski kameez
meri kameez se safed kaise.

Rajniti ka pehla sabak

Headline 23.08.08
Do guto me maar peet,
chatra neta ghayal.
Postmortem :
Bahut badia, shabash,
rajniti ke pehle imtihan me
pass, agle ki taiyari karo.

Para 4 degree ludka

Headline 22.08.08
Para 4 degree ludka.
Postmortem :
Gira hua para to phir bhi uth jayega
maga insaniyat jo is kadar ludak chuki hai
ki phir usko kabhi uthte na dekha.

Maafi yojna 25 se

Headline 22.08.08
Bijli ki aam maafi yojna 25 se.
Postmortem :
Aur 25 se pehle jo bhi hera pheri
ya gad-bad ghotale karne hai karlo,
25 se to maaf ho hi jayenge.

Bar me baba

Headline 22.08.08
Bar me baba sikhyenge yog.
Postmortem :
Arey baba ji kahan chal diye
yog sikhane ko, bar me yog nahi
bhog sikha jata hai.

Talware myan me

Headline 22.08.08
Talware filhal myan me.
Postmortem :
Myan se nikal ke saaf kar ke rakh do
kahin aisa na ho ki zung lag jaye.

Bhakti me shakti

Headline 21.08.08
Beta itihas bana raha tha,
pita pooja karte rahe.
Postmortem :
Bhakti me shakti aisi hi hoti,
jab bhi bikharti, charo aur hia dikhti.

Bhiwani mini quba

Headline 21.08.08
Bhiwani ban raha hai mini quba.
Postmortem :
Jab Delhi Paris ban sakti hai to
Bhiwani quba kyun nahi ban sakta ?

Ghoonso wala saheb

Headline 21.08.08
Vijyender ban gaya DCP saheb.
Postmortem :
Pad likh ke saheb bante to kaion ko dekha
lekin ghoonse maar ke saheb bante to pehli
baar hi dekha, jiyo mere lall.

Bharat ke lall

Headline 21.08.08
Dekhe to kahan se ate hai hamare olympians.
Postmortem :
Yeh Bharat mata ki miti hai, laalo ki kami nahi
hai yahan sirf dhoondne wali nazar chahiye.

Shikayat karta mukra

Headline 21.08.08
Don ke khilaf shikayat karta mukra.
Postmortem :
Yeh to hona hi tha, shikayat bhi to
don ke khilaf thi kisi chote motey chor
uchake ke khilaf thode na thi.

Chand par basti

Headline 20.08.08
Bharat 2030 tak chand par basa lega apni basti.
Postmortem :
Majboori hogi bhai, jis tarah abadi badh rahi
hai us se to lagta hai ki basani hi padegi.

Badti umar ka dard

Headline 20.08.08
Harayein badti umar ko.
Postmortem :
Sadion se insaan is khel ko khel raha hai
jeet to hasil hui nahi haar hi jhel raha hai.

Baant kar khaao

Headline 20.08.08
Asli anand baant kar khaane me.
Postmortem :
Is baat ka gyan to hamare har
vibhag ke har karamchari se
zyada aur kaun jaanta hai.

Babul ka angna

Headline 20.08.08
Zed guddi ne choda big boss ka ghar.
Postmortem :
Lagta hai babul ke angna ki yaad
kuch zyada hi staaney lagi.

Mahilaon ke mukkey.

Headline 20.08.08
Olympic me chalenge mahilaon ke mukkey.
Postmortem :
Kyun nahi, gharo me to bahut practice ho chuki
ab olympic me bhi do-do hath ho jaye.

Glamour ki jung

Headline 19.08.08
DUSU Chunav me fir hogi glamour ki jung.
Postmortem :
Jeevan me umang ho dil me tarang ho,
chunavo ki jung ho glamour ka sang ho
Bas aur kya chahiye dosto.

Police aur kanoon

Headline 19.08.08
Kanooni path padegi police.
Postmortem :
Ek baat samajh nahi ai,
yeh kanoon padh ke police
me bharti hote hai ya bharti ho
ke kanoon padte hai.

Lady gang ki dehshat

Headline 19.08.08
Lady gang ki dehshat me vahan chalak.
Postmortem :
Bechara admi, ghar me bivi ki dehshat
aur bahar is gang ki, jaye to jaye kahan.

1700 Bus conductor

Headline 19.08.08
1700 Bus conductor honge sthai
Postmortem :
Sthai karne se pehle inhe yatrion se
kaise pesh ate hai, yeh sikhaya apne.

Blueline line ka atank

Headline 19.08.08
Blueline line ka atank fir shuru.
Postmortem :
Yeh khatam hi kab hua tha,
break par to yeh gaye hi nahi kabhi.

Bhartiye purush.

Headline 18.08.08
Ache premi hote hai bhartiye purush.
Postmortem :
Kyun ki bache khilane se lekar kapde
safai aur bartan tak ke kaamo se inhe
parhez nahi hota.

Musharaf ka waqt

Headline 18.08.08
Musharaf ka waqt khatam.
Postmortem :
Yeh to waqt waqt ki baat hai,
kabhi sara avaam sath tha,
aj tanhai ka sath hai.

Police ka naya software

Headline 18.08.08
Police ke liye ban gaya naya software.
Postmortem :
Usme apko har tarah ke crime ka
rate aur len den ka tarika bhi milega.

Rajdhani me baadh

Headline 18.08.08
Rajdhani me baadh.
Postmortem :
Is pani ki baadh se to bach jaoge,
aj zarurat hai ik aise farishte ki jo
mehngai, bhrashtachar aur lootmar
jaisi baadh se bacha sake.

Bijli ka beja istmaal

Headline 17.08.08
Bijli ka beja istmaal karne
walo ki kher nahi.
Postmortem :
Aur jo istmaal se pehle hi apna hissa
le ja chuke hai vo wapis karenge kya ?

CBI is not always king

Headline 17.08.08
CBI is not always king.
Postmortem :
CBI to hamesha hi king hai
sirf shart itni hai ki unke kaam
me dakhal andazi na ki jaye.

Chution me katauti

Headline 17.08.08
Chution me katauti nahi
karegi kendra sarkar.
Postmortem :
Karni bhi nahi chahiye, kyun ki
ghar me rahe ti bivi zyada kaam
karati hai.

Desh ka bhavishye

Headline 17.08.08
Bhavishye ke liye sarkar ki puri taiyari.
Postmortem :
Kiske bhavishye ke liye, desh ke ya apne ?

Aupcharik taur par...

Headline 16.08.08
Nigam karmion ki bhi jebe garam.
Postmortem :
Aupcharik taur par to zarur aj inki
jebe garam hui hongi, parantu anaupcharik
taur par to roz hi inki jebe garam hoti hai.

Beetey zamane ki baat

Headline 16.08.08
Jhompadian beetey zamane ki baat : Shiela
Postmortem :
Madam agar mehngai par ankush nahi
lagaya to ane wala zamana bhi jhompadion
ka hi hoga.

Karamfal

Headline 16.08.08
Saanse atki rahi afsaro ki.
Postmortem :
Zarur kuch karam hi aise kiye honge
jo saanse atki rahi.....

Swatantarta divas

Headline 16.08.08
Kadi suraksha ke beech mna
swatantarta divas.
Postmortem :
Yeh kaisi vidambna hai, hum
swatantarta divas bhi puri
swatantarta purvak nahi mna sakte.

Ram bharose

Headline 16.08.08
Ram bharose raha nai Delhi ka station.
Postmortem :
Arey bhaiya yahan to sara Hindustan
hi ram bharose chal raha hai.

Shanti ki pukar.

Headline 16.08.08
Kie ki prachir se shanti ki pukar.
Postmortem :
Jo sunai to deti hai har baar,
paratu asar nahi choda kabhi ek baar.

Sallu ko salah

Headline 15.08.08
Jaldi niklegi Sallu ki barat.
Postmortem :
Jaldi hi barat le jana Sallu bhai, dekhna
kahin der ho gai to doli koi aur na le jaye.

Apno ki maar

Headline 15.08.08
Garibi hamari nakami, loktantra sahara.
Postmortem :
Bahar walo me dum kahan,
hame to apno ne mara.

Har ghar me kitab ho

Headline 15.08.08
Har ghar me kitab ho.
Postmortem :
Pehle kitab kharidne ke kabil to chodo,
mehngai par to lagaam lagao, har ghar me
kitab bhi aa jayegi.

Bollywood banaam hollywood

Headline 15.08.08
Bollywood ban jae hollywood se bhi badha.
Postmortem :
Malika shehrawat aur Sharlin Chopra
jaisi do char ar aa gai to apka yeh sarur
bhi pura ho jayega.

Rajnitik chulha

Headline 15.08.08
Payein bhook, bhaye aur
bhrashtachar se mukti.
Postmortem :
Arey madam hamare neta
inhi teen cheezo ki aag par hi
to apni rajnitik rotian sek rahe hai.

Behtar sewa ki guaranty

Headline 15.08.08
Swasthya : Sabse behtar sewa hogi uplabdh.
Postmortem :
Ji haa, aur is guaraty ke sath ki operation ke
baad koi bhi taulia ya auzar peit me nahi chutega.

Bharat super power

Headline 15.08.08
Kya Bharat super power banega.
Postmortem :
Kyun nahi, zarur banega agar in neta
rupi deemak ko yahan se nikal bahar karo.

Adhunik airports

Headline 15.08.08
Kolkatta, chenai ke airport honge adhunik.
Postmortem :
Itne adhunik ho jayenge ki saaman gayab
ho jay to pata bhi na lage.

Tirange se roti

Headline 14.08.08
In dino tirange se roti ka jugar.
Postmortem :
Neta hamare to desh ko bech kar
kha rah hai, yeh garib becharey
menat kar ke, tiranga bana ke,
bech kar kma kha rahe hai to
kya bura kar rahe hai.

Jaam ka jham.

Headline 14.08.08
Jaam ka jham.
Postmortem :
Subah sadko par jaam
sham ko glasso ke jaam
is jaam bhari zindagi ne
kar diya sabko pareshan.

Muddai lakh bura...

Headline 14.08.08
Bindra ki gun se ki gai ched chad.
Postmortem :
Muddai lakh bura chahe to kya hota hai
vahi hota hai jo manzurey khuda hota hai.

Sarvadhik unchai

Headline 14.08.08
Sarvadhik unchai par hai byaj dar : Bhatt
Postmortem :
Kitni bhi unchaio par pahunch jaye, lekin
mehngai aur bhrashtachar jitni unchai
ko to fir bhi nahin choo sakega.

Chotey ka honsla

Headline 14.08.08
Police booth ke saamne chori.
Postmortem :
Ab badey bhai saamne ho to chotey
bhai ka manobal badh hi jata hai.

Atankio ka neyota

Headline 13.08.08
Desh me 800 atanki thikane.
Postmortem :
Karte kuch ho nahi
magar khabar sari rakhte ho,
vo aa ke neyota denge tumhe
kya is baat ka intzar karte ho.

Khatro se saavdhan

Headline 13.08.08
Avaidh avartak se desh ko khatra
Postmortem :
Sirf yahi khatra nahi hai desh me,
kai khatre pal rahe na jaane kis bhesh me.

Laato ke bhoot

Headline 13.08.08
Pak ke byan par Bharat ne
jatai kadi apati.
Postmortem :
Laato ke bhoot ko baato se samajh nahi ati,
yeh jaante hue bhi apne jatai apati.

Buso ka tota.

Headline 12.08.08
Blueline ne 2 ko ronda.
Postmortem :
Kitni jaane yeh le chuke
aur kitno ka diya hai inhe kota,
sadko se inhe hatate kyun nahi
kya buso ka pad gaya tumhe tota.

Sadko ka kayakalap.

Headline 12.08.08
Sadko ka hoga kayakalap.
Postmortem :
Aur in sadko ke kayakalap ke sath
hi kai aur logo ka bhi hoga kayakalap.

Nishane par dhyan

Headline 12.08.08
Medal par nahi, nishane par tha dhyan.
Postmortem :
Aj is nishane par dhyan rakhoge to hi
badi badi companio ka dhyan apni aur
kheench paoge barkhurdar.

Sania ka shooting shedule

Headline 12.08.08
Chotil sania ne beech me match choda.
Postmortem :
Lagta hai math ke dauran hi kisi company
ka shooting shedule yaad aa gaya hoga.

Police ka ana

Headline 12.08.08
Ph karti rahi, lekin ai nahi police.
Postmortem :
Ab un bechario ko kya pata ke police
kiske bulave par aur kahan jati hai,
yeh ek ph karne se hi thode na aa jati hai.

Raat gai baat gai

Headline 12.08.08
Sarkar ne ki ghoshnao ki barsat.
Postmortem :
Chunavi mausam me neta rupi
badlo ne ghoshnao ki barsat ki,
aur chunavo ke jate hi,
raat gai aur baat gai.

Fevikol ka jod

Headline 12.08.08
Kursi na chodne par adig.
Postmortem :
Koshish karte raho, yeh fevikol
ka jod hai, tutega nahi.

Busy Delhi police

Headline 11.08.08
Delhi police boli, butho se kya lene dene.
Postmortem :
Theek to hai sara din to ugahi me nikal
jata hai, bethne ka waqt hi kahan milta hai.

Kabhi garam kabhi naram

Headline 11.08.08
IET me kabhi thi bum-bum,
ab tabiyat hui naram.
Postmortem :
Kabhi garam to kabhi naram, yahi dastur hai,
jo udta hai unchaiyo par, vo girta zarur hai.

Garib ki jhompadi

Headline 11.08.08
M.S.Dhoni ki ek kutia Ratu me bhi.
Postmortem :
Agar inke mahlo ko aap jhompadian
kahenge to garib ki jhompadi ko kya kahenge ?

5 ki 50

Headline 11.08.08
5 Gadio par kiya hath saaf.
Postmortem :
Yeh 5 ki 50 bhi ho sakti hai agar
inhe roka na gaya to.

Chini ka atirikt kota

Headline 10.08.08
Chini ka atirikt kota jari.
Postmortem :
Lekin janta tak kitna pahunchega,
dekhne wali baat to yahi hai sari.

Hare noto ka signal

Headline 10.08.08
No entry me kaisi hui truck ki entry.
Postmortem :
Arey hazoor hare hare noto ka signal
dikha ke kahin bhi entry le sakte hai aap.

Laxman rekha

Headline 10.08.08
Laxman rekha na langhey
media : Balakrishnan
Postmortem :
Your Honr, lage hatho yeh nasiyat
hamare honhar netao ko bhi de dijiye.

Saas bahu ka daaman

Headline 10.08.08
Doordarshan ko AD ka tota.
Postmortem :
Ap bhi saas bahu ka daaman thaam
lo, kisi cheez ka tota nahi hoga.

PM kyun nahi ?

Headline 09.08.08
Me PM kyun nahi ban sakti : Mayawati
Postmortem :
Behan ji apne to CM ban
ke hi vo kaam kar diya hai jo
PM ban ke bhi nahi kar sakti.

DTC v/s Blueline

Headline 09.08.08
DTC ne 2 ko ronda.
Postmortem :
Yeh blueline ka asar hai ya
blueline se mukabala ?

Daroga ki FIR

Headline 09.08.08
FIR nahi ti jail jayenge daroga.
Postmortem :
Aur daroga ki FIR kaun likhega
yeh bhi bata dete lage hatho.

Hindu-Musalman

Headline 09.08.08
Jammu aag ke peeche hindu brigade.
Postmortem :
Musalman kahe hindu hai
aur hindu kahe musalman hai,
jis din dono ek ho to yakinan
teesra nazar aa hi jayega.

Sharlin ka dard

Headline 09.08.08
Sharlin ka dard samjho.
Postmortem :
Ab vo bechari bhi kya kare, jab koi
nahi samjhta to vo sadko par utar jati
hai apna dard dikhane ke liye.

Janta ki vyatha

Headline 09.08.08
Polythin se mukti chahte hai Delhi ke log.
Postmortem :
Sirf polythin se hi nahi bhaiya,
mehngai, bhrashtachar, aur lootmar
se bhi dukhi hai log.

Sampradayik takte

Headline 09.0.08
Sampradayik takte na uthaye
labh : Manmohan.
Postmortem :
Labh to aap utha chuke sir,
aap to hame yeh batane ki kripa
kare ki vo labh apne kitne me uthaya.

Kagzo ki jaanch

Headline 09.08.08
Colonio ke kagaz jaanchne ka kaam shuru.
Postmortem :
Bade intzar ke baad to yah ghadi ai hai
kagzo ki jaanch bhi to moti kamai hai.

Delhi ki mahilaye

Headline 08.08.08
Delhi me mahilaye adhik 'feti'.
Postmortem :
Kamaal hai bhai, pani pradushit,
hava me hevaniyat, aur ration me milavat,
hone ke bavjud bhi aisa hai ?

Malika ne kiya bold

Headline 08.08.08
Malika ne kirayedaar ko kiya clean bold.
Postmortem :
Arey madam is ke liye court jane ki kya
zarurat thi, apni filme hi dikha di hoti
bechara khud hi clean bold ho jata.

Cooking ka shauk

Headline 08.08.08
Mujhe cooking ka shauk hai.
Postmortem :
Kabhi ghar bula ke khilaya hota
tabhi to pata chalta na barkha rani.

Constale ki khabar

Headline 08.08.08
Constable ke ghar se lakho
le udey badmash.
Postmortem :
Aur constable ne jab logo ke
udaye honge, tab to koi
khabar nahi thi.

Kunji ka istmaal

Headline 07.08.08
Mahilaye hai jeet ki kunji.
Postmortem :
Lekin bachpan se hi school me
sikhaya jata hai ki 'apni akal se kaam
lo aur kunji ka istmaal kabhi mat karo'.

Vardi ka raub

Headline 07.08.08
Police wale hue dengu ka shikar.
Postmortem :
Ab vardi ka raub in macharo par
to nahi chal sakta na.

China se sabak

Headline 07.08.08
China se sabak seekhe Bharat.
Postmortem :
Kaisa sabak, abadi badane ka
ya vyapar badane ka ?

Netao ke karnaame

Headline 07.08.08
Sharamsaar hone se bach gaya desh.
Postmortem :
Lagta hai apne netao ke kaarnaame
puri tarah se dekhe nahi hai aapne.

Bhagwan ki maya

Headline 06.08.08
Bhagwan bhi nahi bacha sakta is desh ko.
Postmortem :
Kis galat fehmi hai aap, ab tak kaun chala
raha hai is desh ko ?

Sarkari jhunjhuna

Headline 06.08.08
Ab daal ke naam pe ek aur sarkari jhunjhuna.
Postmortem :
Hamare netao ke pas janta ke liye jhunjhno
ki kami nahi aur kisi samasya ka hal nahi hai.

Jhugi ki jagah mahal

Headline 06.08.08
Jhugi walo ke sar par bhi hogi pakki chat.
Postmortem :
Aur is chat ke chakar me kai logo
ke mahal khade ho jayenge.

Chand par fateh

Headline 05.8.08
Chand par fateh ki ghadi nikat.
Postmortem :
Arey kamaal hai yaar, Garibi,
bhrashtachar aur atankwad
par to fateh pa ne sak, aur
chand ki baat karte ho.

Apni CD, apna raag

Headline 05.08.08
Apni apni CD, apna apna raag.
Postmortem :
Yahi to badnaseebi hai yahan ki,
sab apna apna raag hi chetdte hai
agar kahi sabke raag ek ho jaye to
fir dekho is desh ka bhavishya.

Pani ne kiya be-pani

Headline 05.08.08
Pani ne kiya be-pani.
Postmortem :
Bepani ho ke bhi inhe sharam na ai,
tab bhi na yeh hue pani-pani.

Police challan abhiyan,

Headline 04.08.08
Police abhiyan, 258 hue challan.
Postmortem :
Aur kitno ko vahin se le-de ke niptaya
iska bhi bayora dedo srimaan.

'Dekhenge' ab 'Chalta hai.

Headline 04.08.08
Nitish ne kaha, 'Hota hai' 'Rehta hai'
nahi chalega.
Postmortem :
Waqt waqt ki baat hai, pehle 'Dekhenge'
aur 'Dekh rahe hai' chalta tha, lekin ab yahi
chalega Nitish ji.

Bijli ki mahima

Headline 04.08.08
Bijli katauti ne chudaye pasine
Postmortem :
Katauti paine chudati hai,
bil dhadkan badati hai,
daftar jao to jutey ghiati hai,
bijli har pal nachati hai.

Allah meharbaan

Headline 04.08.08
Par yeh bum nahi fata kyun ki...
Postmortem :
Maarne wale se bachane wala
bada hota hai.

Der aye durust aye

Headline 03.08.08
70 Saal ki mahila ko chahiye talaq.
Postmortem :
Kyun dadi badi der laga di dada ke
barey me apne khyalat zahir karne me.

Mehngai ka asar

Headline 03.08.08
Sarvjanik parivahan hoga
sabki pehli pasand.
Postmortem :
Mehngai ka yahi aalam raha
to yakinan ane wale samay me
log pedal hi chalte nazar ayenge.

Sudhar ki gunjaish

Headline 03.08.08
CBI ke kaam kaj me sudhar ki gunjaish.
Postmortem :
sahi farmaya apne, Arushi case ke baad
to aam admi ki bhi yahi rai ban gai hai.

Buzuragi par grahan

Headline 02.08.08
Surye grahan dekhne walo me yuva zyada.
Postmortem :
Adhiktar buzargo ki zindagi me to yu hi
grahan laga hota hai, vo bechare is grahan
ko kya dehte.

Garib ki handi

Headline 02.08.08
Ab asani se galegi daal.
Postmortem :
Daal to asani se hi galti hai
lekin amiro ki, garib to bechara
handi me kadchi hi maarta reh
jat hai.

Yojnao ke kisse

Headline 02.08.08
DDA ne ghoshit ki flato ki nai yojna.
Postmortem :
Yojnaye to ab tak kai ghoshit hui,
parantu kitni yojnao par amal hua,
aur kitni yojnaye thande baste me gai,
iska bhi koi hisab hai apke pass.

Sawan jam ke barse

Headline 01.08.08
Ab ke sawan jam ke barse.
Postmortem :
Lekin janta peene ke pani ko bhi tarse.

Tasveer ka dusra pehlu

Headline 01.08.08
Comenwealth games se badlegi tasveer.
Postmortem :
Jin jin ligo ko contract milenge, unki
zindagi to zarur badal jayegi, bakio
ka pata nahi.

Ghar-ghar se ugahi

Headline 01.08.08
Ghar-ghar ja ke kuda batoregi MCD.
Postmortem :
Yu kaho ki ghar ghar se ugahi karne
ka ek aur mauka milega

Shayari-10

Tujhe jana to....
Tujhe jana to khud ka pata bhul gaye,
aise dubey teri ankho me,
meykhane ka rasta bhul gaye.
--------------------------------------
Mayus ho chale they...
Mayus ho chale they
zindagi se hum, mila jo tera sath,
tamanna jeene ki fir se jaag uthi.
---------------------------------------
Baaton baaton me...
Baaton baaton me baat nikal jati hai,
Baaton baaton me raat nikal jati hai,
raat to kya ek zindagi bhi kam pad jati hai,
lekin baatein khatam hone par hi nahi ati hai.
----------------------------------------

Reality of life

Some One Asked Me Recently
When I Had A Break Up
Did U Leave Her
Or She Left U,
I Just Smiled & Replied
"LOVE LEFT US"
(2nd Jan.2008)

Sayings-1

1 : Trust is the better compliment than love,
because u may not always trust the person u love,
but always love the person whome u trust.
------------------------------------------------
2 : Dosti is smthing no one can hate,
dosti is passion we can never rate,
dosti can happen anytime early or late,
dosti is a medicine without expiry date.
------------------------------------------------
3: A good way to change someone's attitude
is to chang your own, because the same sun that
melts butter, also hardens the clay. Life is as u think,
so think good, beautiful & possitive.
-------------------------------------------------
4: Leav something for someone, never leave someone
for something, because in life something will leave u,
but someone will always b with u.
--------------------------------------------------
5: We never have what we like, we never like what we
have, still we live, love n hope that some day we will get
what we love or we will love what we have, that's life.....
---------------------------------------------------